Íslenzkt lambakjet

19

2007-05-14T23:12:00.000Z

Kannski er ég rosalega stíf í mínum mórölsku pælingum en mér finnst það frekar ómóralskt af flokki sem býður afhroð í kosningum að láta sér detta í hug að halda áfram ríkisstjórnarsamstarfi. Framsókn: þjóðin vill ykkur ekki!

Að sama skapi finnst mér alveg allt í lagi að þeir einstaklingar sem fá jafn mikinn massa af útstrikunum eins og BB og Árni Johnsen fengu, segi af sér sinni þingmennsku. Það er ekkert hægt að túlka þetta á annan hátt en að fólk vilji ekki þessa einstaklinga á þing. En almenn siðferðiskennd er reyndar ekki sterkasti kostur fyrrnefndra aðila reyndar þannig að ég efast ekki um að þeir túlki niðurstöðurnar ekki á neikvæðan hátt.

Að sama skapi lýsi ég yfir óánægju minni með þessa frekar illa ígrundðu 5% reglu. Ég veit að hún var sett á sínum tíma með því markmiði að koma í veg fyrir einhver klofningsframboð en ég lít svo á að jafnræðis eigi að gæta. Á bak við hvern þingmann eru ákveðinn fjöldi atkvæða og á það jafn að gilda um alla, líka litlu framboðin.

20

2007-05-13T18:44:00.000Z

Nú eru tíðindi ó sei sei.

Fólk er að tapa sér í fýlu vegna júróvisjón og ríkistjórnin heldur líklegast velli. Sól fer hækkandi á lofti og senn líður að því að ég setjist í heví próflestur fyrir sumarprófin.

Ég hef alveg brennandi áhuga á Júróvisjón. Já ég er geðveikur lúði en Júróvisjón er í mínum huga eitt skemmtilegasta sjónvarpsefni ársins. Eins og keppninnar er von og vísa þá voru yfirgnæfandi meirihluti framlaganna í ár tónlistarleg hörmung. En það er bara gaman. Það má alveg leyfa sér að fíla eyrnarusl eina helgi á ári.

Framlag okkar Íslendinga féll svo sannarlega í hóp þeirra laga sem best eiga heima í ruslafötunni og ég skil ekki hvernig nokkrum Íslendingi datt í hug að Eiríkur kæmist áfram. En við hverju er sossum að búast þegar stór hluti landans finnur tónlistarlega fullnægingu í sveitaballatónlist á lá Írafár.

Ég er algjörlega ósammála mafíuyfirlýsingum hins tapsára rauða víkins, Eiríks Haukssonar. Austur- Evrópsku lögin í ár voru einfaldlega miklu betri en þessi Vestur' Evrópsku. Mér er alveg sama hvaðan lögin koma en það er ekki séns í helveðe að ég kjósi vibba á við það sem kom frá Noregi, Möltu, Svíþjóð, Portúgal, Spáni, Hollandi, Bretlandi, Írlandi og überhallhærislega Sviss. Það er ekki séns að þessi lög fá neina almenna spilun á útvarpsbylgjum Evrópu, Ísland þar með talið.

Þetta eru allt saman tónsmíðar sem virkja ælureflexinn hjá Eiríki, hinum rauða, sjálfum og sé ég ekki hvernig hann fær það út að við hin ættum að vera með öðruvísi gubbuviðbrögð.

Þegar ég horfði á forkeppnina voru aðeins 5 lög af þessum tuttuguogeitthvað lögum sem ég hafði einhvern vott af fílingi til. Öll þessi lög áttu það sameiginlegt að vera frá Austur- Evrópu. Fjögur af þessum fimm lögum komust áfram. Í mínum huga sýnir það bara að fyrirkomulag keppninnar er að virka nákvæmlega eins og það á að virka. Betri lögin eru að fara áfram óháð því hvaðan þau eru að koma. Ef einhver grundvöllur væri fyrir þessari Austur- Evrópumafíukenningu, þá hefði væntalega Finnland ekki unnið í fyrra. Það hentaði bara ekki að hrópa óréttlæti óréttlæti í fyrra. Miðað við þetta þá verður hrópað fyrrnefn óréttlætisóp í hvert skipti og eingöngu í þau skipti sem Austur- Evrópuland vinnur.

Íslendingar gerðu sig síðan að fífli með því að gera akkúrat það sem þeir voru að saka Austur- Evrópu að gera, kjósa nágrannalöndin af-því-bara. Af því að við höndlum ekki þá staðreynd að lönd sem einhverjum eflaust innst inni finnst að ætti að vera okkur ríku vesturlöndum óæðri, skuli vera að ganga betur.

Áður en Austur- Evrópuþjóðirnar fóru að streyma inní keppnina voru hinir sömu Júróspekúlantar að blammera keppnina og segja hana stórgallaða af hinum sömu sökum og nú, en þá voru það bara miðjarðarhafslöndin sem áttu í hlut. Hvernig væri bara að líta á hlutina eins og þeir eru, Íslendingar hafa greinilega ekki sama tónlistarsmekk og obbinn af Evrópu. Að sjá eitthvað órættlæti út úr þessu er ekkert annað en tapsárt væl sveitaballafílandi fýlupúka.

Ég btw kaus Serbíu og Úkraínu.

Óver end át

21

2007-04-23T22:42:00.000Z

Kyndin er ennþá á lífi. Já já sei sei.

Síðustu mánuðir hafa verið nokkuð viðburðarríkir í mínu lífi og hef ég því ekki haft nennuna né viljann til að tjá mig. Þessi viðburðarríku mánuðir voru af neikvæðum toga og er ég búin að þurfa að heyja persónulega baráttu til að komast yfir ákveðin áföll sem hafa orðið á mínum vegi. Satt best að segja hefur mig ekki langað að tjá mig við neinn undanfarið. Ég hef hægt og rólega verið að vinna úr þessum málum og það hefur gengið bæði upp og niður. En ég vona bara að tíminn lækni öll sár og að örið verði sem minnst eftir þetta allt saman.

Núna sig ég heima við imbann með ljóta lungnabólgu. Hósta upp fallegum gulgrænum slummum á meðan ég treð einu stykki tré eða svo upp í nasaborurnar. Búið að vera svona í rúma viku. Drekk hóstasaft eins og um tæra fjallalind væri að ræða. Má ekki gleyma þarfasta þjóninum, nasasprayi.

Þar til næst krúttin mín. Lofa að láta heyra í mér fljótt.

22

2007-01-09T21:00:00.000Z

Djís! Málefnin liggja niðri þangað til á fimmtudaginn (í það minnsta). Hvað á kind að gera af sér á netinu á meðan?

Annars er lítið að ske hjá mér. Ég byrja árið á að finna það út að manneskja náin mér er að ljúga að mér. Greit. Alltaf gaman að komast að svona hlutum.

Ég veit ekki... ég er náttúrulega bara mannleg og hef alveg 80 kg af persónugöllum. Ég veit ekki hvort það telst til persónugalla eða kosts að ég á mjög erfitt með að fyrirgefa lygar og ennþá erfiðara með að treysta manneskjunni aftur. Það má líkja þessu við að allir byrja með hreinan skjöld. Ef hann er skitinn út þá á ég ótrúlega erfitt með að fara til baka. *dæs*

Vona að helgin verði skemmtileg.

23

2006-12-31T06:39:00.000Z

Alveg er þetta týpískt að vera andvaka þegar marr þarf að vera tip top annað kvöld.

24

2006-12-30T01:09:00.000Z

Mér finnst ógeðslega gaman að mála. Ég er aftur á móti gjörsamlega sneydd öllum kreatívum hæfileikum sem og myndlistarhæfileikum. Þess vegna er paint by numbers alveg brilliant úrlausn á mínum vanda.

Paint by numbers rokkar!

25

2006-12-29T01:14:00.000Z

Nú fer að líða að áramótum sem er sá tími ársins sem ég nota til að vega og meta stöðu mína í lífinu. Hvað hef ég gert til að bæta sjálfa mig og líf mitt á síðasta ári og hvað ég hef gert til að eyðileggja fyrir sjálfri mér. Þetta ár hefur verið einstaklega gott þar sem að ég hef ekki gert neitt til að eyðileggja nema að bæta á mig 5 extra kílóum.

Gítar og bassi var keyptur og ég byrjaði að læra. Ég fékk draumajobbið og sagði því reyndar upp núna stuttu fyrir jól vegna tímaskorts. Ég kynntist kaddlinum mínum. Uppgötvaði sjálfa mig og fékk geðveik náttföt í jólagjöf.

Svo núna á gamlárskvöld ætla ég að henda mér í djúpu laugina og eyða kvöldinu með fjölskyldu kaddlsins míns. Ég er sem sagt að fara að hitta foreldra hans og börnin hans í fyrsta skiptið. Úfff hvað ég er stressuð. Fékk fyrsta niðurgangskastið af völdum téðs stress núna í fyrradag. Mörg hafa fylgt í kjölfarið og ég spái þriggja tíma óslitnum niðurgangi á gamlársdag.

Annars er það að frétta að ég er ógó eftir á í öllum tískutrendum. Keypti mér sims 2 rétt fyrir jól. En sims 2 var ógó mógó móðins fyrir einu og hálfu ári. Hey! betra er seint en aldrei. Er núna húkkt á að pynta kallana sem ég bý til. Læt þá fighta við nágrannana, neita að leyfa þeim að fara í bað, svelta þá o.s.frv. Er að fá þvílíka útrás fyrir sadistann í mér. Já sei sei.

*rooooop*

26

2006-12-24T02:23:00.000Z

Þetta hafðist!

Allt jólapakkastandið og núna skreytingarnar. Bara fínt að byrja að skreyta kl 2 að nóttu aðfrararnótt aðfangadags já já sei sei. Ég er nokkuð viss um að ég sé búin að kaupa allar jólagjafirnar og ég er nokkuð klár á því að ég sé búin að pakka þeim öllum inn. Það kemur bara í ljós á mörgun á ögurstund ef ég hef haft rangt fyrir mér.

Ég og hinn helmingurinn minn fórum í Blómaval og Garðheima í kvöld þar sem við keyptum lítið gervijólatré. Ekta gervi "Norway Spruce made with superior qualitiy in Thailand". Það var því virkilega jólaleg stemmning þegar við komum heim eftir að hafa rúntað um Garðarbæinn (by special request skoh) að skoða jólaljósin og settum jólalög á fóninn. Hann tók sig til og bjó til heitt kakó frá grunni og þeytti rjóma á meðan ég pakkaði inn öllum gjöfunum. Jólaskapið var orðið svo gífurlegt að ekki einu sinni brimsalta kakóbragðslausa kakóið gat eyðilagt það.

Síðan skreyttum við litla jólatréð okkar með þessum 10 jólakúlum sem við eigum og keyptum fyrir kúk á kanil í Tiger og jólastjörnu sem kostaði 200 kall í Húsasmiðjunni. Ég berð bara að segja að þetta er eitt flottasta jólatré sem ég hef skreytt. Ekki vegna þess að það er mikill glamúr í kringum það heldur bara að við skötuhjúin gerðum þetta saman og að við vorum bæði að fá ræpu af jólaskapi á meðan við vorum að því.

Ég óska ykkur, lesöndum góðum, og ykkar nánustu gleðilegra jóla, góðrar jólasteikur, fallegra gjafa og að sjálfssögðu það sem skiptir mestu máli, góðra stunda með þeim sem ykkur eru kærastir.
kv. Kibba

27

2006-12-20T22:39:00.000Z

Það eru svo margar erfiðar ákvarðanir sem þarf að taka núna. Á ég að eyða 35þús kalli í nýjan gemsa sem ég hef engin sérstök not fyrir en langar rosalega í, eða á ég að eyða 35þús kalli í kassagítar sem ég hef ekki pláss fyrir en langar rosalega í?

28

2006-12-16T19:13:00.000Z

Jibbíh!

Framsóknarflokkurinn er 90 ára í dag. Nú hlýtur hann loksins að fara að hrökkva uppaf úr heilablæðingu eða æðakölkun.

29

2006-12-15T11:48:00.000Z

Spurning: Er hægt að sofa yfir sig þegar maður þarf að mæta í skólann klukkan 11

Svar: óóójá

30

2006-12-14T22:00:00.000Z

Á meðan ég sit hérna í sófanum og er að bíða eftir að Der Untergang byrji á Stöð 2 Bíó, er verið að spila Adagio for Strings eftir Samuel Barber. Áhrifamikið já.

31

2006-11-14T23:06:00.000Z

Ég á alveg helvíti flottan nafla. Ég reyndar vil kalla hann nabbla, því það segir enginn naffffli á Íslandi. Nabbli, nabbli, nabbli. Ok.

Komst að því fyrir nokkru að ég þjáist af nabblafýlu. Ég er blessunarlega laus við að þjást af öðrum líkamsódaun. Fékk síðast táfýlu sem krakki, svitafýla kemur bara eftir mjög brútal sturtulaus tímabil (sem er nánast aldrei) og andfýla er.... jæja ókei.. ég get verið fjandi andfúl stundum. En nabblafýla er eitthvað sem ég þjáist af á hverjum degi.

Ég komst að þessari merku niðurstöðu þegar ég var að pota í fyrrnefndan nabbla. Af hverju var ég að pota? Jú mér finnst það nefnilega svo gaman því þegar ég rykki puttanum úr nabblanum kemur svona skemmtilegt "BLOBB" hljóð. Mig klæjaði í mitt annars kvenlega yfirvaraskegg og þá rann upp fyrir mér ljós. Eða réttara sagt þá læddist að mér daunn.

Nabblafýla

Ég kannaði síðan statusinn á þessari nabblafýlu reglulega á eftir. Eftir sturtu, eftir sund, eftir líkamsáreynslu. Neibb. Nabblafýlan er þarna alltaf.

Vildi bara deila þessu með ykkur.

32

2006-11-12T18:38:00.000Z

Þetta eru formlega ljótustu skór sem ég hef á ævinni séð. Passa vel við súperkúl peysurnar og gullbuxurnar.

33

2006-11-10T15:07:00.000Z

Nú er komið að kaflaskiptum. Ég sagði upp vinnunni minni í dag. Sem er btw æðislegasta vinna sem ég hef á ævinni unnið og ég kveð hana með söknuði. Námið er bara of krefjandi, persónulega lífið krefst mikillar athygli og það er komið að þeim tímapunkti að það er ekki hægt að bæði halda og sleppa, og það þarf að velja nákvæmlega hverju skal halda og hverju skal sleppa.

Það eru því blendnar tilfinningar í gangi. Mikill söknuður eftir þessari vinnu, en að sama skapi mikill léttir því nú minnkar stressið og álagið og gefur mér meiri tíma til að einbeita mér að því sem þarfnast fullrar athygli.

That being said. Þá langar mig að árétta eitt við ykkur lesendurna. Mig langar að minna enn og aftur á að líkami minn samanstendur af 70% vatni, 30% kaldhæðni. Það á ekki að taka neinu sem ég segi hátíðlega og það er best að taka alvarleikagleraugun af andlitinu þegar ég tjái mig á skriflegu formi. Ég er með sick, brútal, kaldhæðinn húmor. Ef fólk höndlar það ekki þá er ég ekki rétta manneskjan að vera að tjá sig við. Hef orðið mjög vör við að fólk nái ekki því sem ég er að djóka með undanfarið.

En já... back to ze Zchocolate

34

2006-11-04T10:43:00.000Z

Sum ykkar sem lesa bloggið mitt þekkja mig. Sum ykkar ekki. Þau ykkar sem þekkja mig vita aðstæðurnar sem ég er í. Hversu líf mitt er þyrnum stráð og hversu mikið ég þjáist á dagsdaglegum basis. Sjáið sko til, ég er með alvarlega fötlun. Já, ég ætla að skella mér á trúnó með ykkur núna.

Ég fæddist með erfðagalla sem veldur fötlun. Ég hef þurft að ganga í gegnum harðindi sem barn að reyna að alast upp við þennan galla. Það gekk erfiðlega. Svo erfiðlega að ég hef beðið andlegan skaða. Ég get ekki ferðast að neinu ráði. Ég verð fyrir aðkasti alla daga vegna mjög grótesk útlits míns auk annarra hluta sem aðrir taka sem sjálfssögðum hlut en ég get ekki gert vegna þessarar fötlunar minnar.

Ég hef reynt margar aðferðir til að hylja þennan galla en hann er það gegnumskínandi að það er alveg sama hvað ég geri, það sést alltaf að ég er að feika. Já það er ótrúlega erfitt að viðurkenna þennan brútal fæðingagalla fyrir fólki sem manni líkar vel við. Og lifa í eilífum ótta við að vera hafnað af þeim fyrir að vera með téða fötlun. En ég reyni að standa sterk og ég reyni að lifa við þau spil sem mér voru gefin á hendi við getnað þó slæm séu.

Ég er rauðhærð.

36

2006-10-25T12:17:00.000Z

Það eru svo margar spurningar sem dynja á kindinni þessa daga.

Hvar hefuru verið?
Ertu dauð?
Ertu hætt að blogga?
Er það satt sem ég heyrði um að þú hafir farið í brjóstastækkunaraðgerð og sért núna viðhaldið hans Jóns Ásgeirs?

Svörin eru ekki einföld en ég skal reyna.
Ég hef verið rosalega bissí að gera nákvæmlega ekki neitt. Þykjast vera að læra en vera í rauninni að stunda kinkí kynlíf allan sólarhringinn í kjallarakompu einhvers staðar uppí Breiðholti

Ég er ekki dauð en komst samt nálægt áfengisdauða um síðustu helgi. Það var gaman á meðan á því stóð.... en svo rann upp nýr dagur og ég vildi að mér hefði tekist að drepa mig, þvílík var þynnkan.

Nei ég er ekki hætt að blogga. En það er dáldið erfitt að pikka inn bloggfærslur þegar maður er vandlega bundinn í kinký stellingum einhvers staðar á hjara veraldar. Ég reyndi að nota trýnið í að pikka inn einn og einn staf þegar hlerunarmálið kom upp, en það kom einhvern veginn svona út: "ws bo gwrðist .æþað asð fíbbgvlið varfð hledrtaðurt alltag ´´a mikðviokudögbujm". Það varð ekkert svo gáfuleg færsla úr því þó svo að ég hafi að sjálfsögðu sagt margan gáfulegan hlutinn.

Já það er satt að ég fór í brjóstastækkun. Stækkaði júgrin upp í G- skálar því hin brjóstin mín, þessi sem voru DD voru bara aaaaalllt of lítil. Það er búið að borga mér fyrir að halda kjafti þegar kemur að leynilegum fundum míns og Jóns Ásgeirs þannig að ég að sjálfssögðu neita því algjörlega að þekkja manninn...

37

2006-10-03T21:34:00.000Z

Yndislegt plakat. Bakteríur í matvælum gera ekki uppá milli fólks. Fegurðardrottningar kúka líka stendur þarna þó það sjáist ekki. Þá vitum við það. Unnur Birna og fegurðargellurnar verpa líka feitum lorti from time to time.

Annars er það að frétta af mér að það er aftur komin prófatíð. Færði lögheimili mitt uppá Þjóðarbókhlöðuna en fannst hún helst til hljóðlát og formleg þannig að ég flutti lögheimilið á Kaffi Vín þar sem ég stunda nám mitt af miklum móði. Believe it or not þá er hér betri og stabílli nettenging en á hlöðunni, hér get ég étið að lyst á meðan ég læri, hlustað á góða tónlist, séð mannlífið, andað að mér fjallalofti og svo eru sætin svo þægileg. Get meira að segja prumpað með 80 desibela hávaða án þess að hafa áhyggjur af því að ég sé að trufla einbeitingu bókphilískra, hávaðafælinna hugvísindanema. Það kalla ég sko alvöru námsaðstöðu.

Gaman frá því að segja líka að ég og Ópel gerðumst valkyrjur í dag. Fórum í málmbíkíníin okkar, tókum upp exi og sveðjur og strunsuðum galvaskar til hólmgöngu okkar við lífeyris/trygginga báknið. Við að sjálfssögðum unnum frækinn sigur sem mun verða getið í Íslendingasögum framtíðarinnar.

38

2006-09-27T09:07:00.000Z

Hvað á kind að gera þegar hún á ekkert líf fyrir utan bækurnar? Hvað á kind að tala um þegar það eina sem telst til hugsana í litla kindarheilanum er námsefnið?

Dáumst aðeins að peysu vikunnar já já:

39

2006-09-19T08:58:00.000Z

Datt í hug þetta frábæra nafn fyrir nýju hljómsveitina mína sem mun spila melódískan black metal að hætti Finna. Bloody Sputum.

Eins og staðan er í dag þá vantar mig trommara, tvö stykki gítarleikara, hljómborðsleikara, söngvara (eða gruntara réttara sagt) og þar sem ég sjálf sökka á bassa, bassaleikara. Veit ekki alveg hvar ég fitta inní þetta band skoh, en þetta verður samt bandið mitt. Ætla að verða ógisslega rík og fræg, túra um Skandinavíu og fá fullt af síðhærðum sænskum karlgrúppíum....

40

2006-09-17T22:22:00.000Z

aaaaawwww.. robboslega mússí bússí gússí sæt kanína. Frá mér til ykkar..

.... og talandi um kanínur. Þá komst ég að því í þessari viku að gríska orðið Herpes (sem sjúkdómurinn frægi er kenndur við) þýðir á íslensku "gerpi", eða á engilsaxnesku "creep". Þannig að næst þegar eitthvert ógeðslegt creep er að gera þér lífið leitt þá geturu alltaf tekið til þess ráðs að segja eins og "æ hættessu haddna djös ógeðslegi HERPES" eða "Þúrt einn mesti Herpes sem ég hef kynnst"

Enda þennan pistil á laginu Herpes eftir Radiohead

When you were here before,
Couldn't look you in the eyes
You're just like an angel,
your skin makes me cry

You float like a feather
In a beautiful world
I wish I was special
You're so fucking special

But I'm a herpes,
I'm a weirdo
What the hell am I doin' here?
I don't belong here

I don't care if it hurts,
I wanna have control
I want a perfect body
I want a perfect soul

I want you to notice
when I'm not around
You're so Fuckin' special
I wish I was special

But I'm a herpes
I'm a weirdo
What the hell am I doin' here?
I don't belong here, ohhhh, ohhhh

She's running out again
She's running out
She runs runs runs runs...
runs...

Whatever makes you happy
Whatever you want
You're so fucking special
I wish I was special

But I'm a herpes,
I'm a weirdo
What the hell am I doin' here?
I don't belong here

I don't belong here...

41

2006-09-12T08:59:00.000Z

Enn önnur vika, enn meira brjálæði. Nú er bara vika þangað til að ég hætti í minni 70% vinnu með mínu 100% námi. Undanfarnar tvær vikur hafa verið algjör tortúr. Næ aldrei fullum svefni, er alltaf drulluþreytt og utan við mig. Næ ekkert að sinna mínum persónulega tíma og hef rosalega takmörkuð mannleg samskipti við annað fólk. Svo ekki sé minnst á kvíðaknútinn í mallakútnum sem virðist hafa tekið varanlegri bólfestu. En það er nú bara vika eftir, hlýt að geta lifað það af.

Fór í verklegt um daginn þar sem við áttum að rækta bakteríur af fingrunum á okkur. Flestir fengu sína agarskál hreina til baka en ekki rollan, ónei. Þvílíkur blússandi gróður hefur ekki sést á íslandi, ekki einu sinni í grasagarðinum. Var bæði loðið, grænt og með horáferð. Var meira að segja spurð hvort ég hafi verið að pota puttunum í rassinn á mér áður en ég tók testið til þess eins að eyðileggja niðurstöðurnar. Mér fannst þetta að sjálfssögðu alveg rosalega fyndið en þegar svo komið var heim og ég byrjaði að smyrja mér samloku þá opnuðust flóðgáttir sýklafóbíunnar.

... ég hafði stolið fyrr í sumar sterílum skurðlæknahönskum úr vinnunni. Tók pakkann, opnaði hann, fór í hanskana og smurði mér síðan samlokuna. Fokking oj barasta.

En þá óneitanlega fór kind að hugsa af hverju í fjandanum klaufarnar eru svona skítugar. Það er ekki eins og ég þvoi ekki á mér hendurnar eftir hverja klósettferð og ekki geng ég um með puttana í görninni, svo mikið er víst. Fattaði það allt í einu að áður en ég mætti í þennan verklega tíma hafði ég verið að flýta mér svo mikið úr vinnunni að ég gleymdi að spritta á mér hendurnar á leiðinni út. Get lofað ykkur öllum að það gerist ekki aftur. Sprittbrúsinn er orðinn að mínum löngu týnda síamstvíbura.

42

2006-09-05T01:46:00.000Z

Já það er klárlega svarið!
Þurfum ekki að leita lengra.

43

2006-09-04T08:02:00.000Z

Nú eru einhverjir siðapostular kökugatanna (lesist: næringarfræðingar) búnir að kasta fram þeirri fullyrðingu að eina leiðin og besta leiðin til að sporna við offitu er að skattleggja óhollan mat. Gott og blessað með að átta sig á því að þjóðin er að fitna og að átta sig á því að óhollur matur sé eitthvað sem mikið er keypt hér á landi, sér í lagi þá gosdrykkirnir.

En hvað með mitt persónulega frelsi? Mér þykir náttúrulega alveg frábært að það skuli vera einhver nægilega sorglegur næringarfræðingur út í bæ sem lætur líf sitt snúast um mitt persónulega mataræði. En engu að síður þá er þetta minn líkami, ég læt í hann það mér í fjandanum sýnist og það að láta mig fara að borga skatt vegna þess sem ég læt oní mig er ekkert annað en argasta forsjárhyggja og kommúnismi. Elsku næringarfræðingar, takk fyrir að nenna að pæla í þessu, en ég afþakka tilraunir ykkar til að hafa vit fyrir mér. Ég er fullfær um að gera það sjálf.

Það er ekki þannig að Íslendingar séu heimskir. Ég efa það að það séu einhverjir Íslendingar sem gera sér ekki grein fyrir því að ef þú borðar feitan mat þá fitnaru. Og ef þú borðar sykur í óhófi veldur það sömu afleiðingum. Einnig held ég að flestir viti það að ef maður borðar meira en maður brennur þá fitnar maður. Það er ekki eins og þjóðin sé vallandi í yfirgnæfandi heimsku.

Offita er vandamál. Bekenni það. Það þarf að grípa til ráðstafanna, bekenni það líka. Er skattlagning og þar með fyrirhyggjusemi og mismunun rétta leiðin? Klárlega ekki. Orsakanna er dýpra að leita. Það er allt of oft sem maður sér foreldra vera að gefa ungum börnum sínum sykrað kók eins og um vatn eða mjólk væri að ræða. Í fyrsta lagi þá Á EKKI að gefa börnum undir 10 ára aldri NEINA KOFFEINDRYKKI því það heftir þroska taugakerfisins þeirra. Á að refsa mér fyrir og láta mig borga aukaskatt fyrir mitt sykurlausa Pepsí Max, því að þessir foreldrar og aðrir kunna sér ekki hóf? Það þarf aðrar og effektívari aðferðir til að breyta viðhorfi landans og notkun á óhollum drykkjum og mat en að seilast í pyngjuna.

Viljum við virkilega búa í gamla Sóvét þar sem hugsað er fyrir okkur?

44

2006-08-29T08:23:00.000Z

Þá er það byrjað aftur. Það= skólinn. Er samt í 50% vinnu með skólanum núna næstu þrjár vikur og hef ekki hugmynd um hvernig ég mun koma því fyrir án þess að klúðra ekki öðru hvoru eða báðu. Meiri asninn að láta plata sig í svona aukavinnudót. Það er ekki eins og ég sé að fá mikið borgað fyrir það ónei.

Meira síðar....

45

2006-08-22T16:34:00.000Z

Ég þakka hlýjar námshvetjandi hugsanir í minn garð. Ég fann sko sannarlega fyrir þeim. Ákvað eftir fyrra prófið að slappa aðeins af. Slappaði aðeins of mikið af. Fattaði svo þegar tveir dagar voru í seinna prófið að ég var ekkert byrjuð að læra neitt af alvöru. Hvað gera kindur þá? Já þá var bara sokkið sér í dópheima koffeinsins og tekinn all nighter á þetta. Ég sem sagt vaknaði kl 8 í gær og hef verið vakandi síðan.

Tókst mér svo að fara yfir og læra 5 vikna, 1200 blaðsíðna námsefni á innan við tveimur sólarhringum?
Merkilegt nokk þá tókst það. Þvílík gargandi snilld!!

Var að koma úr prófinu og ég held barasta að það hafi þurft slatta til að ég hafi ekki náð þessu. Fæ því að njóta samvistanna við bekkinn minn í eitt ár í viðbót ef allt fer vel. Jibbí kóla!

Kindin er aftur farin að ganga meðal lifandi fólks (eða svona næstum því), bæði í netheimum og raunheimum.

46

2006-08-15T21:07:00.000Z

Nú liggja rollur í því. Ekki áfenginu ó nei. Þær liggja í námsbókunum. Próf á föstudaginn og annað á þriðjudaginn. Skemmtismi!

Hef ekki gert annað en að finna ástæður fyrir því að fresta heimalærdómnum. Fullt af afsökunum að finna á kostnað lærdómsins sjálfs. Sem er ekki nógu gott og ég myndi prumpa á sjálfa mig fyrir þetta ef ég gæti. En það bara verður tekinn massinn á etta. Kaffi, Pepsí Max, Magic og smá létt geðveiki.

Ókosturinn við svona übernámsbókafyllerí er að ég hef bara ekki frá neinu að segja. Ég fylgist ekki með fréttum, hef takmörkuð samskipti við annað fólk og hef ekki pláss í heilanum til að hafa skoðun á neinu. Ég er því alveg óskemmtilegasta manneskja í heimi í dag.

............jú ég hef skoðun á einu!!! sko mína!
Mér finnst að Sjallarnir eigi að standa saman og halda Árna Johnsen utan stjórnmála. Er það ekki brill tillaga hjá mér?!. Árni kaddlinn sjálfur virðist ekki hafa rænu né siðferði til að halda sér í burtu sjálfur greyið. Stundum þarf þá sterka bláa hönd til að halda í höndina á honum og leiða hann í burtu frá öllu sem tengist stjórnsýslu.

47

2006-08-09T23:49:00.000Z

Orð sem enda á isma:

Femínismi
Expressjónismi
Níhílismi
Impressjónismi
Sósíalismi
Súrrealismi
Fasismi
Nasismi
Kúbismi
Prumpismi

bööö get ekki meir

Pæling:
Ef aðilar sem aðhyllast isma eru kallaðir istar (þeir sem aðhyllast femínisma eru femínistar o.s.frv)
Aðhyllast þá stílistar stílisma? og statistar statisma?

48

2006-08-02T18:04:00.000Z

Peysa dagsins:

Hún hentar við öll tækifæri. Líka þegar manni dettur í hug að taka upp pikkexi og drepa alla í kringum sig á sérstaklega brútal hátt. Þá eru gullbuxurnar góðu líka sérsniðnar fyrir þá tómstundariðju.

49

2006-08-02T13:38:00.000Z

Ég og prakkarastrikið mitt erum orðin samvaxin. Skil ekkert í að ég hafi gert þetta prakkarastrik af mér miklu fyrr. Við sláum á létta strengi saman og týnumst í tónaflóði dauðametals. Þetta er sönn ást skal ég ykkur segja.

----------

Verzlunarmannahelgin.
Eina helgin þar sem garenterað er að verzlunarmenn fá ekki frí. Ég fæ ekki frí. Er samt ekki verzlunarmaður. Ekki einu sinni verzlunarkind. Finnst samt voðalega gaman að verzla. Myndi verzla miklu meira ef ég ætti P-ning. Er þó að vonast til að helgin verði róleg í vinnunni og að ég geti þá gleymt mér í undraveröldum próflesturs.
Þannig að mín skilaboð til ykkar eru: "keyriði nú varlega krúttin mín og ekki gera neitt af ykkur svo að þið endið í vinnunni hjá mér"

50

2006-07-31T22:03:00.000Z

Nú er Dorrit orðin official Íslíngur, loksins. Ég er bara mjög sátt við það því Dorrit er alveg rosalega mikil dúlla. Nú getur hún líka boðið sig fram til forseta, sem er líka alveg frábært því mig langar miklu frekar að hafa hana sem forseta en furðukallinn hennar.

Hún hefur verið alveg einstaklega dugleg að prómótera Ísland í útlandinu. Hún kemur alltaf vel fram og fyrir. Ég er jafn stolt af henni eins og ég skammast mín fyrir Óla. Svo er hún orðin alveg fruntalega sleip í ástkæra ylhýra. Maður getur ekki annað verið en stoltur af henni. Til hamingju Dorrit með Íslíngsdóminn!!

51

2006-07-30T15:34:00.000Z

Verðlaun fyrir þann sem fattar hver þetta er

52

2006-07-29T17:26:00.000Z

Mikið hrikalega er heimurinn fucked up akkúrat núna. Ástandið fyrir botni miðjarðarhafs er bara orðið svo hlægilegt að það nær engri átt. Það var nú hlægilegt fyrir en nú er botninum náð. Ekki það að það sé hægt að hlæja að þessu, það er nefnilega það sorglega. Fólk deyr og þjáist vegna útúrsýrðs barnaskapar háttsettra manna sem eru að flippa út á mikilmennskubrjálæði sínu.

Ég held að það sé ekki lengur spurning um hvort heldur hvenær, einhver bavíaninn tekur það að sér að endurtaka Hirosima.

Hvar eru Bandaríkin? Þau gera náttúrulega illt verra með því að styðja áfram blóðþyrsta klikkhausana í Ísrael og Sameinuðu Þjóðirnar eru lamaðar því Bandaríkin hafa neitunarvald þar (ekki í fyrsta skiptið). Eins mikið og ég reyni að setja ekki samansem merki á milli Ísraela og gyðingdóms almennt, þá hef ég staðið sjálfa mig að gyðingafordómum. Ég held að ég sé ekki eina manneskjan þegar kemur að því. Sorglegt en satt.

Ég held að það sé alveg kominn tími á að banna trúarbrögð almennt. Ég held að það sé kominn tími á að fólk vakni upp af þessum þykistuleik og fari að haga sér og hugsa á lógískan hátt. Mig langar að prumpa á þetta lið.

----------------------------

En að öðrum og skemmtilegri hlutum. Magni er alveg að rokka í Rockstar Supernova. Ég verð að viðurkenna að ég hef aldrei nokkurn tímann fílað manninn. Mér finnst Á móti sól og annað það sem Magni hefur verið að gera í gegnum tíðina alveg afspyrnu leiðinlegt efni sem ég nenni ekki fyrir mitt litla líf að hlusta á. Hinar huldu hliðar söngvarans koma greinilega í ljós í þættinum og ég verð bara að segja að ég fíla þær. Það er eins og maður sé ekki að horfa á sama manninn og hér heima....

Ég fíla líka að hann er hæfilega kjaftfor. Hann er ekki að drepast úr hroka eins og Lukas en segir samt sína meiningu og kemur með killer comeback. Ég kíkti á official Rockstar spjallborðið í síðustu viku og þar kemur nokk vel í ljós að Magni er á topp 4 hjá allflestum. Margir ganga líka svo langt að segja að Magni og Dilana muni ganga alla leið. Það yrði ekki slæmt.

Ég sjálf er alveg rosalega skotin í Dönu. Hún er ung, fersk, ómótuð og er eitthvað svo voðalega heiðarleg og sönn í því sem hún er að gera. Síðan er hún með langflottustu röddina. Efast þó stórlega um að hún endi sem nýja söngkona Supernova. En það væri gaman að sjá hana fara sem lengst og ná sem mestu sviðsljósi til að styrkja sinn eigin frama.

Ryan finnst mér leiðinlegur fýlupúki. Lukas hefur útlitið og attitjúdið með sér. Hann hefur bara því miður ekkert voðalega spes rödd. Dilana er æði, út í gegn. Hún á eftir að fá jobbið og ef ekki, þá verður hún heimsfræg. Jill er alveg ekki að fatta dæmið. Ég er sammála Gilby Clarke með kommentið til hennar í síðasta þætti. Ljóshærða sílíkon, nánast allsber lúkkið er flott og frábært ef þú er Britney Spears. Gætum við haldið því utan rokksins takk!

Josh á heima í country tónlistinni. Patrice er..... æi hún einhvern veginn hverfur í fjöldann. Storm vinnur rosalega á. Hún byrjaði ekki vel að mínu mati en hún er voðalega skemmtileg á sviði. Toby er dáldið óskrifað blað hjá mér. Zayra er brandari en það er gaman að fylgjast með henni. Hún kann að svara fyrir sig.

---------------

Er í fríi þessa helgina. Loksins loksins. Hef ekki átt fríhelgi í lengri tíma. Gat meira að segja sofið út í morgun sem er eitthvað sem ég hef ekki gert síðan í maí. Ógisslega var það gott. Hafiði tekið eftir því að á íslensku sofum við út en á ensku sofum við inn (sleep in)? hahahah ógisslega merkilegt skoh!

53

2006-07-27T23:45:00.000Z

Peysa dagsins:

Það er alveg bannað að gleyma tísku dagsins. Ég keypti mér einmitt svipaða peysu um daginn. Spottprís í Sorpu.

54

2006-07-23T13:26:00.000Z

Ég er alveg überaðdáandi South Park. Get endalaust horft á þá og grenja alltaf jafn mikið af hlátri. Ég einhvern veginn rataði á síðu á intervefnum um daginn þar sem hægt er að horfa á alla South Park þættina online og líka South Park kvikmyndina. Alveg ekta skemmtun.

Núna er rútínan orðin þannig að ég verrrrrð bara gjörsamlega að glápa á einn þátt eða svo áður en ég sofna. Það er yndislegt að lognast út af við hljómfagra rödd Erics Cartmans.

Butters Stotch er samt í algjöru uppáhaldi hjá mér. Hann er svo saklaus og hreinn. Fattar aldrei neitt. Er svo endalaust happý og góður við alla. Myndi knúsa hann ef ég væri í South Park.

Slóðin að þáttunum er hér:
http://www.piczo.com/allaboutsouthpark?g=11323462&cr=3

55

2006-07-21T13:11:00.000Z

Það er svo ógeðslega óþægilegt þegar maður fer á klóstið og verpir einum stórum og illalyktandi þegar að svo kemur í ljós að klósettið er bilað og það er ekki hægt að sturta niður. GREIT!!

Bætum svo ofan á það að þú ert ekki að skíta heima hjá þér, heldur í vinnunni. TVÖFALT GREIIIIT!!!

56

2006-07-20T21:28:00.000Z

Peysa dagsins:

Mig langar í svona. Þetta er ógeðslega kúl og þetta er alveg nýja lúkkið.

57

2006-07-18T20:58:00.000Z

Don't hassle the Hoff.

Já Hasselhoff kaddlinn er alltaf klassíker þegar kemur að hrikalega lummó-ghey karlpeningi. Það er alveg sama hvað gaurinn gerir. Hann er krónískt púkó. Þetta albúm cover er ekki til að bústa upp kúlið hans. Ó nei.

Síðast þegar fréttist af honum þá var hann að jafna sig á meiðslum sem hann varð fyrir í rakstursslysi. Þarna toppaði hann sig algjörlega í lummulegheitum. Ég hreinlega trúi því ekki að það séu konur þarna úti sem drukkna í klobbadjúsi yfir þessum manni. ...

Edit: skipti út myndinni fyrir nýja (er samt sama myndin skoh. Út af einhverjum ástæðum sást hin myndin bara í Firefox) Já og btw... ef þið hafið ekki kynnst undraveröldum Firefox, þá er endilega málið að drífa sig að því.

58

2006-07-17T23:23:00.000Z

Okei. Þegar maður er farinn að geta plokkað Black no 1 með laginu þá er maður orðinn dáldið sjóaður í bassaleik skoh.. (á byrjendaleveli skoh). Ógisslega gaman að setja lagið á fóninn og síðan bassann á ennþá hærra og spila með. Metall út í gegn sei sei..

59

2006-07-17T10:27:00.000Z

Læra, hræra, skæra

Nú er komið að því. Upplestur par ógeðslegus. Það hefur verið sagt stundum að maður eigi að sofa á námsbókinni því þá síast allar upplýsingarnar úr bókinni inní heilann á meðan maður sefur. Ó, hvað ég vildi að þetta væri satt.

Þetta eru tvö stór próf sem ég fer í og hvort prófið er í raun tvær námsgreinar. Þannig að þetta eru fjórar námsgreinar að læra. Jibbí kóla! Alltaf gaman að eyða sumrinu í eitthvað svona.

60

2006-07-16T03:35:00.000Z

Updeitaður linkalisti. Þið vitið að ég elska ykkur elskurnar en ég nenni ekki að hafa löngu dauð blogg í listanum hjá mér...

61

2006-07-14T21:07:00.000Z

Já ég var búin að lofa að pósta nokkrum myndum af litla prakkarastrikinu sem ég gerði um daginn. Og að sjálfssögðu fer ég ekkert að svíkja það loforð. Hérna er litla prakkarastrikið:

62

2006-07-14T08:57:00.000Z

Fór í gær að sjá Cars. Alveg frábær skemmtun. Ég er reyndar alveg die hard Pixar aðdáandi en þrátt fyrir hlutdrægni mína þá var þessi mynd súper.

Þegar ég var lítið lamb lék ég mér oftast með bíla. Engar dúkkur eða svoleiðis á mínu heimili, ó nei. Og ég sá alltaf bílana fyrir mér eins og í myndinni. Þ.e. bílarnir sjálfir voru persónur, það var enginn að keyra þá. Þeir keyrðu sig sjálfir.

Síðan var náttúrulega líka robboslega gaman að loksins sjá Kalla in vivo....

63

2006-07-12T13:50:00.000Z

Lítið lamb liggur út í haga og hóstar.

Fyrst hóstar það upp blautu hori, snýtir gulri slummu sem ætlar engan enda að taka og fær síðan blóðnasir af öllum átökunum.

Þetta litla lamb er ég. Hélt að ég væri að hressast og fór í vinnuna. Kallinn sem ég er að leysa af greip tækifærið og skellti sér út á land. Þetta voru meiri bulludrullu mistökin. Búin að vera með magakveisu og hita þessa tvo daga í vinnunni og er ég að reyna eftir mesta magni að gubba ekki á skrifborðið.

En að öðrum skemmtilegri og vísindalegri pælingum. Það er alveg óheyrilegt magn af hori sem loftvegurinn framleiðir. Í öllum þessum horgangi og kvefpest datt mér það í hug að safna öllu þessu hori og mæla hvað þetta er mikið. Hver þéttleikinn er o.s.frv. Ætli þetta sé desilíter eða meira sem ég er búin að snýta úr nösum mínum á þessum síðustu og verstu dögum? Þetta eru stórmerkileg vísindi I tell ya!

64

2006-07-11T10:52:00.000Z

Þetta er ekkert smá ruglandi. Mér finnst að það eigi að leggja niður pH gildi sem mælieiningu fyrir sýrustyrk.

Smá dæmi. Í bók er sagt að sýrustig aukist. Í venjulegum skilningi myndi maður túlka þetta sem að viðkomandi efni/vökvi yrði súrari. En það þýðir að pH gildi er að lækka (Því lægra pH gildi, því súrara er efnið). Ókei.

En plebbinn sem skrifar bókina ákveður að lýsa þessum breytingum með því að setja bara pH: (ör sem vísar upp). Ég get túlkað þetta á fyrrnefndan hátt að sýrustig sé að aukast en þá er pH að lækka. Eða eins og rökréttara væri að pH væri að aukast og þar með sýrustigið að minnka. Það er ómögulegt fyrir mig að vita hvora túlkunina höfundurinn er að meina, því hann cross referenserar eins og kúkalabbi þarna á milli.

Þetta er nefnilega svo trikkí. pH skalinn er í daglegu tali kallaður sýrustigsskali. Skv. venjulegri talnahefð okkar þá túlkum við það sem svo að því hærri sem talan er því hærra er stigið. Sýrustig 8 er hærra en sýrustig 3 o.s.frv.

En það er nefnilega málið. Því hærri sem talan er því basískara er efnið (minna súrt) og því er varla við hæfi að kalla basískt efni (með hátt pH) með "hærra sýrustig" en efni með lægra pH. Þannig að að "hærra sýrustig" er lægri pH tala. Og svo þegar plebbahöfundar eru farnir að blanda saman sýrustyrk, sýrustigi og pH, þá er ómögulegt að fatta hvað er verið að tala um.

65

2006-07-10T22:27:00.000Z

HM er búið. Sem betur fer. Er með ofnæmi fyrir fótbolta. Horfði samt á úrslitaleikinn, sem er eini leikurinn á fjögurra ára fresti sem ég horfi á, í bólusetningarlegum tilgangi eingöngu.

Synd að sjá Zidane missa svona skapið. Ég held að hann muni naga á sér handabökin það sem eftir er út af þessu. Hinn gaurinn er víst ekkert voðalega íþróttamannslegur í hegðun heldur skv. því sem mér er sagt.

En anyhú... smá "sköllum ítalann" leikur handa okkur:
http://widelec.org/zidane.html

66

2006-07-09T22:44:00.000Z

Ennþá veik. Raddlaus. Beinverkir. Eyrnasýking. Hausverkur. Hitavella. Hósti. Kvef. Blóðnasir af of miklu snýti. Sárt að anda. HEY! Mér er í það minnsta ekki illt í................... neibb, túrverkir líka.

Ojbarastastastaaaaa.

67

2006-07-07T18:03:00.000Z

Hafiði tekið eftir því að í flestum amerískum hasarmyndum þá er vondi kallinn Evrópskur, og þá í oftast Þýskur.

Kindin liggur ennþá veik uppí rúmi með ógeðslegan hósta. Þurr og vibbalegur. Eins og að sandpappír númer 60 sé harkalega raspað eftir barkanum á mér. Djöfull er þetta vont. Get þó huggað mig við það að ég er í fríi þessa helgi og get því sofið þetta úr mér.

*setur cradle of filth á fóninn*

68

2006-07-06T10:43:00.001Z

Jamm, hér sit ég í vinnunni fárveik. Slímhúð lungna hefur verið hóstað upp á sársaukafullan og þurran hátt síðan í gær og beinverkir, hausverkur, magaverkur og almenn vanlíðan bætast við. Af hverju er ég ekki bara í veikindafríi? Jú, það vill nefnilega svo skemmtilega til að maðurinn sem vinnur með mér og á móti er líka veikur með sama ógeðið. Einhver þarf að vera hérna. Get þó huggað mig við það að það er ekkert að ske í vinnunni þannig að ég get laumast til að sofna fram á skrifborðið.

Það er skemmtilegt frá því að segja að hóstarkirtillinn (já það er til hóstarkirtill, en það er ekki til pirringslíffæri né vitlaust bein) hefur ekkert með hósta að gera. Já sei sei.

Orð dagsins:
Að skaufunga.
Að skaufunga þýðir að gefa annarri manneskju kinnhest með hörðum getnaðarlim.
Notkun: Gunni skaufungaði Siggu í miðjum munnmökum.

Óver end át

69

2006-07-03T19:50:00.000Z

Kibba kibb var að gera af sér smá prakkarastrik. Tíhíhíhíh....

70

2006-07-02T10:10:00.000Z

Ég tók eftir merkingunni "Geymið þar sem börn hvorki sjá né ná til" á einum lyfjapakkanum mínum.

Ég spyr því, hvaða máli skiptir það hvort börn sjái lyfjapakkana? Veldur það barni sálrænum skaða að það skuli glitta í getnaðavarnapillupakkann minn í efstu hillunni?

71

2006-07-01T23:30:00.000Z

Þetta er allt saman Baugi, Enron og British Petrol að kenna!

83

2006-07-01T23:10:00.000Z

Það vantar póst númer 83 og því neyðist ég til að setja hann inn núna. Það er svona þegar maður þjáist af forstigum Alzheimers. En póstur 83 er virkilega merkilegur að því leyti að í honum leynast svörin við helstu spurningum lífsins. T.d. hver er tilgangur okkar í lífinu? Af hverju er Hasselhoff svona mikil athyglishóra? hvernig hófst alheimurinn? mun britney missa kílóin aftur?

Ég veit ekki með ykkur en ég ligg margar andvökunætur að velta þessum spurningum fyrir mér. Mér finnst líf mitt innantómt án þessarra svara. Ég held að það séu margir í sömu sporum.

En snúum okkur að svörunum. Tilgangur lífsins er sá að....

*INTERNET CONNECTION LOST*

---------------- HAZARD ------------------

72

2006-06-29T18:12:00.000Z

Svo er líka alveg kominn tími á nýja gellu til að taka við dyravörslu á jarminu. Þessi er djöfulli vígaleg. Og svo er hún flink í karókí líka.

73

2006-06-29T17:51:00.000Z

Nei ég er ekki dauð. Ég hef bara frá engu að segja. Ég á ekki líf, stunda ekki mannleg samskipti. Allir sem ég vinn með eru annað hvort dauðir (bókstaflega) eða í svo vondu skapi að ég sækist bara í dauða fólkið.

Var að frétta að Pamela Anderson væri að strippa eitthvað til stuðnings réttindum dýra. So what's new? Ég hef séð Pamelu oftar nakta en í fötum og það er ekkert varið í það lengur . Ég myndi sko taka eftir því ef Pamela klæddist fötum til styrktar réttindum dýra!!

Kv.
Kibba- klæðist buxum og bol til styrktar réttindum Lemúra í Perú.
(ekki það að nokkur maður né dýr myndi vilja sjá mig nakta til að byrja með)

74

2006-06-06T19:50:00.000Z

Þetta var ofsalega óskemmtilegur vinnudagur í dag. Það vill nefnilega þannig til að þegar það er ekkert að gera í vinnunni, þá er í alvörunni ekkert að gera. Ekkert var verkefnið í dag þannig að mér var bara sagt að hanga á netinu og hringja persónuleg símtöl mér til ánægju og dægrastyttingar. Þetta þurfti ég að gera tilneydd frá 8 til 16.

Ekki það að ég sé að kvarta undan þessu. Það er voða þægilegt að fá að slæpast aðeins. Málið var bara að nethangsið fór að verða leiðinlegt eftir 2 tíma, ég hafði engan til að hringja í og þessir 8 tímar liðu eins og 5 dagar. Já svona leiddist mér mikið! Síðan var með þessu búið að skemmileggja kvöldplönin mín (sem innifólust í því að hanga á netinu og slappa af....)

Enn burtséð frá því....

Ég er komin á þá skoðun að mig er farið að langa að deita eftir langt hlé. Þá er bara spurningin hvar maður finnur álitlega gaura. Þóra Lísa reyndi eitthvað að pimpa mig út en ekkert gekk. Mér finnst ég nú ekkert svo slæmur kindkostur verð ég að segja. Bara tiltölulega snyrtileg og fjósalykt í lágmarki. Síðan segi ég brandara einu sinni í viku og er með kynlíf á heilanum. Hvað er hægt að biðja um meira?

75

2006-06-02T13:58:00.000Z

Ég heiti ekki Kalli... ég heiti Kiðhildur

og ég er.... tuttögfjórir tuttogfjórir óver end át......

76

2006-05-31T21:16:00.000Z

Síðasta prófið í bili er búið. Sumarvinnan hefst af fullum krafti á morgun. Americas next top model er í sjónvarpinu og ég er búin að finna nennuna mína aftur. Lífið er bara alveg ágætt. Kosningarnar eru búnar þannig að maður fær bjútífúll frí frá þeim .... þar til næst. Það verður þó ekkert ferðast eða skemmt sér í sumar. Bara vinna vinna vinna og síðan byrjar prófadruslan aftur í ágúst.

Hef ekkert fylgst með fréttum í 3 vikur núna og veit því ekkert hvað er að gerast fyrir utan litlu fallegu búbbluna mína. Fréttir fólk!!! plís tell mí wots happeníng. Britney ólétt!?!?!?!?!

77

2006-05-23T20:05:00.000Z

Hæjj elsku dúllukindurnar mínar. Afsakið bloggleysi síðustu daga en bloggandinn hefur ekki beint verið yfir mér. Og er það í rauninni ekki enn. Oooooo hvað skal tjatta um? kosningarnar? oj nei. Ekkert varið í neitt af frambjóðöndunum. Ætla að skila auðu. bleh

78

2006-05-19T15:11:00.000Z

Kúkapúkaprófið er loksins búið. Get farið að snúa mér aftur að alvöru lífsins, þ.e. júróvísjón. Ætla að sletta ærlega (haha pun) úr klaufunum eða jafnvel í og á klaufarnar líka, í kvöld og fara síðan á intervefinn pissfull og klæmast í ókunnugu fólki (nei já bara segi sonna..)

En júróvísjónið já. Ég að sjálfssögðu kaus Finnland, enda eina landið með viti þetta árið. Það er kannski helst Bosnía Herzegovína með rólegu ballöðuna sem kemst næst Finnum í hlustinennileika. Er eiginlega bara fegin að Silvía hafi ekki komist áfram. Er búin að fá meira en ógeð af henni í bili. Silvía er æði á íslensku. Hún er bara ekki að gera sig sem international súperstjarna. Hún er komin dáldið langt frá gellunni sem hún var fyrst í þáttunum, gellunni sem ég fílaði svo heitt. En það er bara mín skoðun.

Mér fannst það samt áhugavert að sjá tvöfalda siðgæðið sem fyrirfinnst í siðvandri Evrópunni. Myndbandið við lag Finnanna var sums staðar ekki sýnt því þau þóttu of scary. Einnig komu fram einhverjar upphrópanir um supposed djöfladýrkun og geitarfórnir. Eins og Simmi kom svo skemmtilega vel að orði, þá er þetta allt saman bara skemmtiatriði, og frekar hallhærislegt í þokkabót. Bara fullorðið fólk í latexgöllum að þykjast að vera hardcore. Mér finnst það ógó fyndið. Það er ekki eins og textinn sjálfur hjá Lordi innihaldi skemmtifrasa eins og "I drink satan's blood" eða "Sacrifice a virgin at the altar of hell". Ég gæti alveg bekennt ásakanirnar þá.... en hard rock halelúja... plís fólk.

Silvía má heldur ekki segja "fuck" fyrir framan evrópu. Það er svo dónó og gæti sært blygðunarkennd milljóna manna.

En það er allt í lagi að láta meira en hálfnakta 17 ára stelpu raula í míkrófón uppá sviði á meðan hún framkvæmir kynferðislegar athafnir með samdönsurum sínum. Það er náttúrulega bara allt í gúddí með það. Ok, gellurnar eru reyndar ekki að ríða uppá sviði en það er aðeins formsatriði í flestum þessarra atriða að skella súlum uppá svið.

Ef þetta er í lagi. Af hverju má silvía ekki segja "fuck" ef henni sýnist svo?

jæjah... 4 og hálfur tími í að fyrsti bjór verður opnaður. Skál krúttin mín!

79

2006-05-16T23:35:00.000Z

Hetjan mín!!!

.. no but yeah..but no... but YEEAH!!

80

2006-05-16T15:01:00.000Z

Frumsamið ljóð eftir mig:

Ó fagra einbeitingalíffæri

Ó þú fagra færi lífs
er við einbeitingu er kennt
af hverju hefuru gefist upp á mér?
Hef ég böggað þig svona mikið?
Læra, hræra
Skæra, færa
Ef þú drullast ekki til að fara að
virka bráðum þá afneita ég þér

Kiðhildur Ó. Kynd

81

2006-05-12T01:00:00.000Z

Kæri Bangsi
Þú ert alltaf mjúkur og hlýr. Þú bíður mín í rúminu mínu sem er líka rúmið þitt, því þar áttu heima. Rúmið er alltaf hlýtt og dúllulegt því þú ert þar. Ég get lagst undir mjúka sængina og þá ertu þar með útbreiddan arminn, tilbúinn að gefa mér risastærsta knús í heimi, því þér þykir vænstast um mig í heiminum. Það er líka það sem bangsar gera. Þeim þykir vænstast um eigandann sinn.

Þú passar mig á meðan ég sef. Það mega nebbla ekki koma neinir ljótir árar að hrella mig á meðan mig er að dreyma fallega drauma. Þá vakir þú yfir mér og berst gegn öllu því sem gæti trubblað svebbninn minn. Síðan strýkuru ljúft á mér kinnina og faðmar mig svo mér sé alveg örugglega hlýtt og líði vel. Síðan þegar ég vakna þá kúriru meðmér og heldur mér félagsskap. Mér þykir svo robboslega vænt um þig bangsinn minn.

Þín
Kibba

82

2006-05-12T00:35:00.000Z

Ný gella ætlar að taka helgarvaktina. Farið varlega að henni. Hún hefur aldrei passað svona bloggsíðu áður.

84

2006-05-10T01:14:00.000Z

Þá þetta varð að einu allsherjar risa barbikjúi. Ég stamaði og svitnaði í flutningnum sjálfum og gat síðan ekki svarað einni einustu fyrirspurn. Fékk pity augnaráðið frá kennaranum mínum. Bleh. Og pyntingin varði í aðeins 4 tíma og 25 mínútur. Ég var næstum því búin að skamma kennarana fyrir að hafa þetta svona stutt. Hafa þetta bara alvöru tortjúr!! ekki eins og maður hafi neitt betra fyrir stafni hvort eð er!!

Því er restin af deginum búin að fara í það að jafna sig eftir spennufallið. Ætlaði sko að fara bara beint að sofa eftir yfirheyrsluna en lá bara í rúminu með augun uppglennt. Sjónvarpsgláp... virkar ekki. Bókalestur.... neibb. Nethangs... njeeááá, gæti gengið. Tók bara upp á því þarfa verkefni að naga á mér táneglurnar. Þær voru orðnar svo langar hvort eð var. Ætla svo að plokka á mér lappahárin ef allt fer í hart...

85

2006-05-09T11:48:00.000Z

Andvökunóttin búin. Deadline eftir klukkutíma og tíu mínútur. Þetta virðist ætla að reddast. Er þó alveg að skíta á mig af þreytu og ég er alveg að sjá mig fara í klukkutímayfirheyrslu um efnið kl 4 í dag. RÆÆÆÆT.

Þetta er það sem ég vildi sagt hafa um málið:

86

2006-05-05T10:03:00.000Z

Málefnin liggja niðri enn eina ferðina. Maður mætti halda að serverinn væri 200 mHz pappatölva í Nígeríu miðað við performansinn undanfarnar vikur. Ég verð bara að auka viðveru mína á spjallborði áhugamanna um garðáhaldafetish á meðan. Það er ekki til umræðu að minnka netveru mína......

87

2006-05-04T14:21:00.000Z

Ég var að komast að því að það er hægt að leggja kapal í æPoddinum mínum. Hahaha. Tæknin nú til dags...

88

2006-05-04T01:33:00.000Z

Það klikkar ekki asnalega líffærið mitt núna frekar en fyrridaginn. Míns er búin að ná að sofna á nótæm eins og framhaldsskólanemi í fyrsta tíma dagsins alla vikuna. Svona gríðarlega happí með það. En svo loksins þegar ég þarf að vera hress og spræk á morgun, ligg ég vakandi eins og önd og fæ engu um það ráðið. Ég er að velta því fyrir mér við hvern ég á að kvarta undan þessum ósóma.

Útpimpingin gengur hægt. Engir hauskúputattúaðir , síðhærðir, mótorhjólagaurar eru búnir að melda sig inn sem eiginmannsefni mitt. Ég er alveg viss um að ég mun deyja ein og vesæl enda orðin háöldruð. Þó eru það upplífgandi fréttir sem berast utan úr heimi að Bling Bling 104 ára ungfrú út í Langtíburtistan giftist víst um helgina 21. eiginmanni sínum. Hönkinum Stin giBo Ssan, 33 ára stórkaupmanni og helsta sultuhöndlara héraðsins sem þau hafa ákveðið að búa í og ala sín börn. Það er sem sagt alveg ennþá von fyrir mig. Ég á alveg 3-6 nokkuð góð ár eftir.

89

2006-05-01T23:35:00.000Z

Fylgist spennt með á morgun. Þá mun míns vera pimpuð út af aðalpimpinu, Þóru Lísu. Nú fer í hönd erfið nótt andlegs og líkamlegs undirbúnings því piparsveinarnir munu fljóta um eins og súkkulaðifondú.

90

2006-05-01T20:47:00.000Z

B lymphocytes within ILFs have a phenotype consistent with B-2 B lymphocytes (CD23+IgMlowIgDhighCD5-CD11b-) and comprise up to 70% of the cellular population. ILFs contain a smaller population of TCRalfabeta+CD4+ (approximately 10%) and TCRalfabeta+CD8+ T lymphocytes (approximately 3%), CD11c+ DC's (approximately 10%) and IL-7R+ c-kit+ cells (approximately 15%). The architecture of ILFs can resemble that of PPs, containing a loosely organized germinal center with peanut agglutinin (PNA)+ b lymphocytes and possessing a follicle-accociated epithelium (FAE) containing microfold (M) cells.....

Skiljiði þetta? Nei ekki ég heldur. Þetta er mesta kúkavísindagrein sem ég hef verið pyntuð til að lesa í þessu námi mínu hingað til og það er búið að taka mig núna klukkutíma að lesa fjórar blaðsíður af þessu fokkings crappi. Ekki það að það skipti einhverju máli hversu mikið ég næ að lesa. Því ekki skil ég bofs af því sem augun nema. Mér til andlegrar upplyftingar er að vita að greinin 15 bls. Jibbí jeijj....

91

2006-04-29T01:50:00.000Z

Call him Mr.Raider call him Mr.Wrong
Call him Mr.Vain
Call him Mr.Raider call him Mr.wrong
Call him Mr.vain
He'd say: i know what i want
And i want it now
I want you cause i'm Mr.Vain
I know what i want and i want it now
I want you cause i'm Mr.Vain

Ooooooo það sem er hægt að tjútta við þetta lag....

92

2006-04-28T13:46:00.000Z

Mér finnst það alltaf svo furðulegt fyrirbæri þegar mæður eru svo gjörsamlega delusional að þær fara í fýlu þegar þær átta sig á því að það finnst ekki öllum barnið þeirra jafn æðislega frábært og henni. Mér finnst það að sjálfssögðu alveg sjálfssagt að móðir sé stolt af sínu barni, sérstaklega ef ástæða er til. En við hin erum ekki skuldbundin til að deila þeirri skoðun með móðurinni. Og hversu langt er það nú gengið að fara í fýlu og abbókast út í aðila sem finnst ekki barnið hennar æðislegast í heimi, frábærast, gáfaðast og geri allt flottast og best? Það mætti flokka slíkt sem barnaskap að mínu mati.

Bara pæling.....

93

2006-04-27T21:52:00.000Z

Fékk mér nýja kjéllingu til að fronta síðuna. Hin, Gisellé van der Barmur var orðin dáldið þreytt í bakinu og staurinn var orðinn dáldið fúinn svo greyið var búin fá fullt af flísum í bakið. Erfitt líf að vera svona brjóstastór. Fékk þessa kirkjugarðsbeibu til að standa vaktina á meðan. Endilega ef einhver veit um einhverjar svona kjéllingar til að standa vörðinn á síðunni minni, láta mig vita. Þetta er fín sumarvinna fyrir rétta kroppinn. (Nei Hugi þú mátt ekki sækja um)

94

2006-04-27T20:59:00.000Z

Iggy Pop er gaur sem ég væri alveg til í að borga dágóða summu til að sjá á tónleikum. (btw.. langar einhverjum með mér á tónleikana í næstu viku?)En ég myndi persónulega taka bankalán og borga þúsundfalt meiri upphæð fyrir að fá hann til að fara í bol, peysu, jakka eða bara eitthvað til að fela sína sérdeilis ófallegu efrikroppsnekt sína

95

2006-04-26T09:34:00.000Z

Það urðu sérstök óheppilegheit á ónefndri útvarpsstöð í morgun. Ég sat í bílnum mínum á leiðinni í skólann og hlustaði á fréttirnar. Þar var verið að segja frá dauðsfalli. Síðan strax eftir fréttina var köttað í auglýsingar enda fréttalestri lokið. Fyrsta auglýsingin byrjaði á klappi og fagnaðarlátum.

96

2006-04-24T22:09:00.000Z

Ég er næstum því búin að læra á æPoddinn minn. Kann bara ekki rass á æTjúns. Akkuru er allt Appúll dót svona flókið? Af hverju geta þeir ekki bara lært að lifa samkvæmt hinum eina rétta staðli, Mækrósoft?

97

2006-04-21T12:57:00.000Z

Flugvélapælingar. Nú fór mín í fjórar flugferðir á þessu ferðalagi og var hver þeirra um 3 tímar. Í hverri og einustu þeirra voru flugfreyjurnar að vesenast með einhverja vagna og troða þeim þennan þrönga gang sér og farþegum til trafala og amala. Fyrst var það vagninn með fréttablöðunum, síðan var það vagninn með veitingunum, síðan vaginn með söluvarningnum og síðan ruslavagn. Og á meðan þessir vagnar eru að ferðast um ganginn er lífsómögulegt að komast framhjá þeim og þ.a.l. borin von að fara á klósettið.

Þrír tímar eru í mínum bókum ekki langur tími og sé ég alveg enga þörf á að vera með sérstakan veitingasöluvagn á jafn stuttri ferð. Fólk getur bara fengið sér vel að borða áður en það fer af stað og ef það vill kaupa sér eitthvað að borða í flugvélinni getur það bara keypt beint af flugfreyjunni sem hoppar og sækir matinn án þess að vagninn sé keyrður eftir ganginum.

Sama með þennan varning. Í flugstöðvunum eru fullt af búðum og fólk getur alveg bara verslað þar. Hvaða bjánaþörf er það að þurfa að versla eitthvað í flugvélinni?

Ég ferðaðist með Iceland Express og stóð í þeirri meiningu að þetta væri lággjaldaflugfélag þar sem engir væru söluvagnarnir. Ég nefnilega lít ekki á þá sem lúxus, heldur eitthvað sem er fyrir mér og er truflandi. Maður óneitanlega velti því fyrir sér hvort þessir söluvagnar væru eingöngu til þess að flugfreyjurnar hefðu eitthvað að gera á meðan fluginu stæði. En þær geta nú, rétt eins og við hin, slappað aðeins af í þessa þrjá tíma sem það tekur að fljúga. Gætuð þið ímyndað ykkur að það þyrfti að vera með sérstaka veitinga og söluvagna í rútum á leið til Kirkjubæjarklausturs?

98

2006-04-20T22:32:00.000Z

Hæjjjj

.. er komin heim. Ógó gaman. Kem með ferðasögu innan tíðar. Keypti mér iPod í fríhöfinni ( já ég er loksins orðin commercial hóra) en málið er að ég kann ekki bossagat á hann og skil ekki rass. Býður sig einhver í að hjálpa Appleheftri kind?

99

2006-04-10T14:53:00.000Z

Jamm. Nú er komið að því. Rollan er á leiðinni í sólina á Spáni eftir um hálfan sólarhring eða svo. Öfundið mig bara krúttin mín ;)

Er í þessum töluðu orðum að leita að brúsanum með sólarvörn nr. 60 sem er algjörlega nauðsynleg fyrir litarhaftsheft fólk eins og mig. Kókaínhvít húð mín er nefnilega á gelgjunni og skaðbrennur jafnvel þótt ég banni henni það. Þýðir ekkert að hóta henni öllu illu eins og full body tattúi. Hún böggar mig bara áfram og fuðrar upp í sólinni. Á milli þess sem ég næ mér í annars stigs brunasár og horfi á hálfnakta spænska hönka, stefni ég að því að troða 5 kg af sandi í hinar ýmsu líkamsskorur á ströndinni.

Kem síðan aftur hress og kát eftir rúma viku. Endilega feel free að skilja eitthvað skemmtilegt eftir í kommentakerfinu dúllurnar mínar. Kveð hér með með fögru ljóði um lífsins hamingju og lystisemdir. Allir syngja með (og spila líka... gripin fylgja) ;)

Dm........................... A7 ............................ Dm
Það jafnast ekkert á við það að þruma sér í gott sólbað
........................................... A7 .................................. Dm
og liggja á bekk með bland og bús og bjórinn teyga úr líterskrús.

.....C ................... F....................... C ....................F F
Á Spáni er gott að djamma og djúsa diskótekunum á. Hei!
C ........................F ........................A#.................................. C
Sólbrenndur með Quick Tan brúsa, í sandölum og ermalausum bol.

Dm ........................... A7 ...............................Dm
Grísaveisla, sangría og sjór senjórítur, sjóskíði og bjór.
Dm ..............................A7 ....................................Dm
Nautaat og næturklúbbaferð nektarsýningar af bestu gerð.

...C .....................F....................... C.................... F F
Á Spáni er gott að djamma og djúsa diskótekunum á. Hei!
C........................ F.......................... A# ................................C
Sólbrenndur með Quick Tan brúsa, í sandölum og ermalausum bol

BÆJÓ!!!!!

100

2006-04-09T05:21:00.000Z

Hinn fullkomni fótbúnaður fyrir tölvunördið. Moi ætlar að kaupa eitt par eiga á lager ef moi skyldi ná sér í tölvunördakærasta. Þá væri þetta enmitt kjörin ammlisgjöf. Vonum bara að það þurfi ekki að Ctrl+Alt+Del mikið á þessa skó...

... oj hvað þessi var lélegur

Gæsun

2006-04-09T04:29:00.000Z

Gæsun Kiðfríðar systur sem er að fara að gifta sig eftir fortnight gekk einstaklega vel. Fórum á stórdansleik með Pöpunum og urðum þess aðnjótandi að vera viðstaddar upptöku DVD disks þeirra félaga. Við semsagt munum fá að sjá feitasta djammið okkar um jólin þegar diskurinn kemur út. Þar sem að við erum náskyldar 2/6 bandsins þá grúppíuðumst við baksviðs eins og gæsum sæmir og urðum okkur og fjölskyldu okkar til haldbærrar skammar. Sem var bara gaman. Góður fílingur.

Smá forskot á sæluna

2006-04-08T14:27:00.000Z

Þar sem kindin verður flatmagandi á sólarströnd um páskana var ákveðið að færa bara páskana fram um viku og njóta þeirra í dag. Fékk gefins þetta glimrandi fína páskaegg frá gamla stellinu. Sit hérna makindalega fyrir framan imbann að horfa á Seabiscuit með öðru eyranu og borðandi súkkulaðiegg með hinu. Svona á lífið að vera!!!

Svo vann bara Snorri í gær! Dullegur strákur. Óska honum innilega til hamingju. Það voru nú ekki margir sem töldu hann geta sigrað þegar 12 manna úrslitin byrjuðu í Smáralindinni ;)

Ídolið í kvöld

2006-04-07T10:26:00.000Z

... jamm lokaáfanginn. Ég að sjálfssögðu held með frænda mínum honum Snorra. Aþþí hann er svo kúl. Allir að kjósa Snorra ok!!

Síðan er partí í kveld. Síðasta partí fyrir sól og bruna á Spáni. Allir að djamma því það er svo gaman. Eh ... ok rímar ekki. Allir að djamma því það er svo.......gjamman. Já já

Bikiniraunir

2006-04-05T20:14:00.000Z

Kindin er nokkuð óheppin/heppin með vöxt. Hún er nefnilega með hlutfallslega stór júgur miðað við búkstærð. Vissulega getur verið gaman að vera með svona risabobbinga. Maður öðlast sérdeilis kvenlegar línur auk þess sem að maður hefur fengið ýmsar hamingjustunurnar frá gagnstæða kyninu vegna hins sama. En stórbrjóstalífið er ekki bara hamingja og glens ónei.

Það er nefnilega þannig að ég á í stökustu erfiðleikum með að finna mér júgurhöldur þar eð búðirnar selja ekki slíkar flíkur í jafn asnalegum númerum og ég nota. Yfirleitt gengur þetta þannig fyrir sig að ég fer í búðirnar og bið um númerið mitt.... fæ þá ca. þrjá haldara (og þá er það allt sem þær eiga til). Nánast undantekningalaust eru þetta einhverjir ömmuhaldarar sem ég myndi aldrei fyrir mitt litla líf láta einstakling af gagnstæðu kyni sjá mig í. Afgreiðsludama í einni búðinni gerðist meira að segja svo djörf að stinga uppá að ég fengi mér bara brjóstagjafarhaldara. LIKE HELL I WOULD!!!! Segir maður chubby stelpum bara að fá sér óléttubuxur? Ég hneykslaðist náttúrulega hrikalega á þessari ósmekklegu tillögu og þá fór afgreiðslukéllingin bara í fýlu. Ég tók þá meðvituðu ákvörðun að stíga ei fæti aftur í þá búð. (þetta var náttúrulega ekkert kélling. Ung stelpa. En þar sem ég móðgaðist svona ógeðslega út í hana þá er hún kélling).

Ég fann svo loksins búð sem hafði eitthvað pínu úrval af höldurum í sirkusstærðum. (Þegar ég segi úrval þá meina ég 6-7 mismunandi haldara sem ekki eru ömmuhaldarar og eru klæðilegir). Og versla ég þar núna. Einn vankanturinn við þetta allt saman er að það er ekki séns að kaupa sér nærfatasett og svo kosta haldararnir lágmark 5500 kall. Sérsaumaður andskoti og sérstyrkt. *dæs*

Svo lenti mín þessari skemmtilegu aðstöðu að vera að fara til Spánar á sólarströnd í rúma viku í næstu viku. Ok. Ég á ekkert bikini!! Finnst það einstaklega lummó að fara í sundbol á ströndina þannig að ég ákvað að reyna við það vonlausa verkefni að finna á mig bikini. Gat náttúrulega gleymt því að fara í verslanir sem seldu ekki einu sinni mína brjósthaldarastærð því ekki myndu þeir selja bikini í ofurskálum. Þá var líka orðið fátt um fína drætti og mín trausta nærfatabúð selur ei bikini. Nú var útlitið orðið svart.

Fór inní hverja verslunina á fætur annarri. "Já góðan daginn. Átt þú bikini í 36F?" Það væri líklegra að afgreiðsludömurnar ættu gullhúðaðan Ferrari á lager heldur en bikinihaldara í þessu númeri. Fékk hvert blankó andlitið á fætur öðru. Sumar þeirra reyndu nú að vera líbó og bjartsýnar og fá mig til að prófa hitt og þetta bikinið sem "eru óvenjulega stór miðað við númer". Öll þeirra náðu ekki að hylja nema þriðjung túttuflatarmáls.

Míns var aaaalveg búin að missa alla von. Búið að fara í allar bikinisölubúðir á höfuðborgarsvæðinu. Ein eftir. Haldiði ekki að sú búð hafi bara átt 7 mismunandi tegundir og allar tegundirnar í 2 mismunandi undirsniðum og fengust öll í mínu númeri!!! Ég stóð þarna eins og fáviti á miðju búðargólfinu og grét eins og smákrakki af gleði. Prófaði náttúrulega allar tegundirnar og afgreiðsludaman hefur haldið að ég væri eitthvað þroskaheft enda með sólheimaglottið límt á fésinu og gleðitárin storknuð á kinnunum ásamt maskaranum sem þau fóru í samfloti með.

Ég lenti þarna í einhverju sem ég ALDREI lent í. Að finna brjóstahengi og geta ekki valið mér hvað fyndist flottast. Að hafa valmöguleika! Ég svíf ennþá á bleiku skýji bikinifundar míns og sólarströndin er loksins farin að toga í með einhverju öðru en sundfatakvíða.

Femínisti, um femínsisismsmsms....eitthvað

2006-04-04T22:44:00.000Z

Ég var að sjá auglýsingu frá Myndböndum Mánaðarins þar sem verið er að auglýsa bandaríska hágæðamynd um feitan strák sem er ástfanginn af beibu en hann getur ekki fengið hana því hún vill ekki vera með svona feitum og lúðalegum strák. Hann síðan grennist og verður geðveikt hönk. Þá allt í einu fossa leggangasafarnir úr stelpunni og hún áttar sig á hversu æðislegur michelin drengurinn var en þá er það of seint því hann er farinn að blasta allar hinar beiburnar í skólanum.

Ok. Ef maður hugsar um þetta þá ganga allar þær myndir sem byggja á þessum prinsippum (þ.e. ljóta/feita manneskjan fær tækifæri til að vera voða falleg og fær í kjölfarið draumaeinstaklinginn) út á að ljóti strákurinn fær beibuna. Nefnið mér eina mynd þar sem ófríða, plain jane stelpan fær ruðningshetjuna og skólahönkið!!

Misrétti?
Klárlega.

Missti önnur 2 kg í þessari viku...

2006-04-04T12:26:00.000Z

... og þar með er 2 kg styttra í beib-dóm minn. Fagnaði með því að fá mér beikon, egg og súkkulaði.

Ég er einnig búin að uppgötva skemmtilegasta grínþátt Íslands. Veðurfréttirnar á NFS. Veðurgellan er bara fyndnasta fyrirbæri norðan Suðurskauts.

Þið eruð öll svo mikil krútt

2006-04-04T00:28:00.000Z

.... litlu bollurnar mínar. Ég ætla að klípa í kinnarnar á ykkur öllum

*klíp* *klíp* *klíp*
*klííííííp*

gússígúúú... músssímússí

*klípi* *klíp* *hrist*

Besti vinur minn...

2006-04-03T20:01:00.000Z

... þessa stundina er súkkulaðimolinn sem er í óðaönn að bráðna uppí mér. Þegar hann verður kominn niðrí maga ætla ég mér að eignast annan besta vin. Sem líka mun fá að bráðna uppí munninum mínum.

Þetta eru búnir að vera virkilega slæmir dagar undanfarið. Er alveg miður mín á þessu öllu saman. Pff....Á svona dögum ætti að vera súkkulaði til intravaskúler innspýtingar. Svona mikil er þörfin.

Já eða súkkulaðistílar!! Nú erum við að tala saman!

Kæruleysi smæruleysi

2006-04-02T22:13:00.000Z

Ég er búin að hafa alla þessa viku til að læra undir næsta próf. Ég var að byrja í dag. Las alveg í einn og hálfan tíma. Sko mig! Dísus hvað ég þoli mig ekki. Einbeitingarleysið er algjört. Það lítur allt út fyrir að plan B verði tekið þ.e. fara til heimólæknó, fá vottorð sem segir að ég er fárveik, skila því til skólans og taka prófið í sumar. Oj barasta.

Ef einhver vill gefa mér samviskusemi eða selja mér hana ódýrt þá er ég game.

Ert þú svona týpa...

2006-03-31T00:53:00.000Z

... sem nennir ekki að horfa á ógisslega langar bíómyndir en langar samt að geta tekið þátt í umræðum um téðar bíómyndir? Já ég er svona líka. Ekki séns að ég nenni að horfa á þriggja tíma kvikmyndaverk til að geta fittað í umræðurnar. Þess vegna fer ég á

Þessa síðu

til að redda mér kvikymyndaþekkingu. Hérna eru 30 sekúndna úrdrættir úr öllum helstu kvikmyndunum. Og þar að auki eru þau öll leikin af kanínum.

Flottasta bardagaatriði kvikmyndasögunnar

2006-03-29T23:46:00.000Z

Þvílík gæði, þvílík snerpa. Ég lofa ykkur að þið verðið dolfallin. Hvenær fáum við að sjá svona eðalkvikmyndagerð koma frá íslenskum leikstjórum? Maður spyr sig hvort Kvikmyndasjóður noti peninginn í að splæsa pizzum á crewið.

3000-asti heimsækjarinn

2006-03-29T18:40:00.000Z

... fær Oral B tannbursta í verðlaun frá mér. Og eins og glöggir lesendur vita þá er Oral B tannbursti ekki bara tannbursti, heldur líka happdrættismiði þar sem verðlaunin eru deit með Fabíó.

Get ómögulega komið mér af stað í lestrinum. Ligg bara uppí rúmi að hlusta á Dixie Chicks (já já, ég veit að þetta mun alvarlega skaða underground credið mitt).

2006-03-28T16:09:00.000Z

Akkúrat það sem við allar erum búnar að bíða eftir. Stefnumót með Fabio. Konung hjartaknúsaranna. Og maður þarf einungis að taka þátt í einhverjum tannburstaleik til að eiga möguleika á því. Eru sumir nú ekki farnir að selja sig óvenju ódýrt ha?

Prófið fór ekki eins illa eins og mig grunaði

2006-03-28T13:42:00.000Z

Reyndar fór það bara alls ekkert illa. Það var alveg ljóst að kennararnir voru á fyrrnefnt óskuðu kókaíntrippi við tilbúning þessa prófs.

Ætla að fagna í kveld. Gera eitthvað spes. Eitthvað sem ég hef ekki getað leyft mér í langan tíma sökum tímaleysis. Hmm... vídjógláp vs. bíó. Hvað finnst ykkur?

Jæja

2006-03-27T21:09:00.000Z

Það kemur sú stund að hver sú lífvera sem berst fyrir lífi sínu sættir sig við að hún muni verða undir. Ég er komin á þann stað núna og líður bara nokkuð vel með það. Það er ekki séns að ég nái þessi annars skemmtilega Prüfungi á morgun. Ég strengdi þau áramótaheit að standa mig betur í skólanum, læra á hverjum degi og leggja allann minn metnað í þetta. Þegar ég hóf að frumlesa fyrir rétt rúmri viku síðan varð mér ljóst að þetta áramótaheit var farið í varanlegt frí til Hawaii.

Þetta snýst um damage control frá þessum punkti og þá von að kennararnir hafi ákveðið á kókaíntrippi að hafa prófið extra létt í ár. Ég er drullufúl út í mig þessa stundina... grrrr.

Svöng uppá lesstofu

2006-03-26T14:38:00.000Z

Innan við tveir sólarhringar í próf og ég á enn eftir að frumlesa helminginn af námsefninu. "Sjittfokk" dugar ekki nægilega vel að lýsa tilfinningum mínum á þessu stigi máls. Jafnvel þó ég flippi þessu yfir á svæsnustu þýsku gerir það ekki nægilegt gagn. Scheisenficken!!!!

Ég ætti að sjálfssögðu að vera að lesa mig til núna um undraveröld Acetyl CoA karboxýlasans en það sækja að mér svo sterkar hugsanir. Flóknar lífspælingar að ég get með engu móti haldið athyglinni við þetta annars mjög svo skemmtilega ensím.

Af hverju gat ég ekki verið gaurinn (eða gauran) sem fann upp Arómatið?? Ha?? Þetta er eitt vinsælasta krydd í heimi, fyrir utan kannski Season All sem, eins og við öll vitum, var fundið upp af Satani. Aromatið er hentugt, skemmtilegt á litinn, passar með öllu og allir elska það. Síðan eru umbúðirnar svo skemmtilega dannaðar að maður getur horft á glasið endalaust og velt fyrir sér snilldinni sem þessi vara nú er.

Svo ekki nóg með það.... þá getur maður GEYMT glasið og keypt sér ÁFYLLINGU í litlum og handhægum bréfum. Þvílík þjónusta við bæði viðskiptavinina (sem spara sér stóran pening) og umhverfið (sem fær þá að sama skapi minna glerrusl í sig). Já krakkar mínir. Ég legg uppgötvun arómatsins saman við uppgötvun Pensillínsins. Þetta er svona merkilegt.

Sem leiðir mann óneitanlega að þeirri pælingu hvað gaurinn (eða gauran) sem fann upp Arómatið hlýtur að vera fruntalega, ógeðslega, klikkaðslega ríkur (rík). Og ekki bara ríkur, heldur elskaður líka! Ég er viss um að L. Ron Hubbard nagi á sér handabökin í gröfinni (figuratively speaking... við vitum alveg að þau eru fyrir löngu útnöguð) yfir að hafa ekki uppgötvað þessa snilld. Hann hefði fengið með sér þúsund sinnum fleiri fylgismenn í gegnum undrakryddið en þetta Xenu bull sem honum datt í hug....

.... Acetyl CoA karboxylasi já...*dæs*
Langar í salat

Pálmi Gests..

2006-03-25T20:36:00.000Z

.... var í gerfi Silvíu Nóttar í spaugstofunni í kvöld. Mér fannst hann nú samt nær því að líkjast þessari..... eh... dömu hér, heldur en Silvíu skoh:

Til að koma í veg fyrir allan misskilning

2006-03-25T11:48:00.000Z

... þá vil ég taka fram að myndin hér til hliðar er í raun og veru ekki af mér. Ég er með miklu stærri brjóst en þetta.

Tó-mei-tó, Tó-mah-tó

2006-03-22T22:45:00.000Z

Ég er haldin þeirri fötlun að mér finnst tómatar alveg einstaklega ógeðslega bragðvondir. Þeir eru fínir þegar þeir eru unnir t.d. tómatsósa og pizzusósa etc. En tómatar í heilu lagi, sneiðum, soðnir, steiktir, ferskir finnst mér ekkert minna en ógeð.

Nú er svo komið að við búum í útúr-tómatíseruðu samfélagi. Hvert sem maður fer þar eru tómatar. Tommi tómatur sat makindalegur í grænmetisdeildinni í Hagkaup í mörg ár og söng sinn skemmtilega "Halló krakkar, ég heiti Tommiiiiiihiiii tómaaaatuuuuuuuuur" söng, starfsmönnum til geðheilsuskorts og foreldrum til lifrarskemmda.

Síðan er tómötum troðið í allar fjöldaframleiddar samlokur, án þess að út í það sé hugsað hvort tómaturinn passi með co-áleggjunum. Ég fæ það t.d. aldrei skilið hvernig nokkrum manni datt í hug að setja tómata á samloku með spægipylsu. Tómatar á hamborgurum er annað dæmi! Hvaða þroskaheftu bragðlaukar meika tómata á hamborgurum? Svo er sumt fólk farið að troða þessum andskota á pizzur líka!

Ég mótmæli svona tómataðgerðum harðlega. Tómatar eru ekki svona eins og ostur, þar sem meginþorri fólks finnst hann góður. Þetta er klárlega alheimssamsæri tómatframleiðenda og tómatsfasista. Fórnarlömbin erum við. Við, sem getum ekki varið okkur. Við sem nennum ekki að plokka þennan óskapnað af samlokunum okkar og neyðumst því til að misbjóða skeifugörn vorri með fúlum tómötum.

Hugsið aðeins út í þetta áður en þið verðið heilaþvegin!